'കർമ്മ ഗ്രാമം' ജനകീയമാവുന്നു.

കർമ്മ ഗ്രാമം പദ്ധതിയുടെ ഭാഗമായി പള്ളപ്രം എ എം എൽ പി സ്കൂളിൽ തണൽമരം നടൽ പൊന്നാനി നഗരസഭാ ചെയർമാൻ സി പി മുഹമ്മദ് കുഞ്ഞി നിർവ്വഹിക്കുന്നു. 

 

കർമ്മ വഴിയിൽ വേറിട്ട പദ്ധതിയായി കർമ്മ ഗ്രാമം ജനകീയമാവുന്നു

പൊന്നാനി: സന്നദ്ധ സംഘടനകളുടെ സാമൂഹ്യ പ്രവർത്തനങ്ങളിൽ വേറിട്ട വഴി വെട്ടിത്തെളിക്കുകയാണ് പൊന്നാനിയിലെ കർമ്മ. 'കർമ്മ ഗ്രാമം' എന്ന പദ്ധതിയിലൂടെ നഗരത്തിലെ ഒരു വാർഡ് ദത്തെടുത്ത് ആരോഗ്യ, വിദ്യാഭ്യാസ, പരിസ്ഥിതി സംരക്ഷണ ജീവകാരുണ്യ രംഗങ്ങളിൽ

സമഗ്ര പദ്ധതി നടപ്പാക്കുകയാണ് ചെയ്യുന്നത്.

പൊന്നാനി നഗരസഭയിലെ 28-)o വാർഡിലാണ് ഈ വർഷം കർമ്മ ഗ്രാമം' പദ്ധതി നടപ്പാവുന്നത്. സമഗ്ര വിവരശേഖരണവും സമ്പൂർണ്ണ മെഡിക്കൽ പരിശോധനാ ക്യാമ്പും പൂർത്തീകരിച്ചു. തുടർ ചികിത്സക്ക് സൗജന്യ നിരക്കിലുള്ള സേവനവും ലഭ്യമാക്കുന്നുണ്ട്. പ്ലാസ്റ്റിക് വിമുക്ത ഗ്രാമം എന്ന ലക്ഷ്യം നക്ഷാത്കരിക്കുന്നതിനായി തുണി സഞ്ചി വ ത ര ണം ഉൾപ്പടെയുള്ള പദ്ധതികൾ തയ്യാറായി വരുന്നുണ്ട്. കർമ്മ പ്രാമത്തിലുൾപ്പെട്ട പള്ളപ്രം എ എം എൽ പി സ്കൂളിലും വിവിധ പദ്ധതികൾ നടപ്പാക്കി വരുന്നുണ്ട്. പ്രവേശനോത്സവം, പരിസ്ഥിതി ദിനാചരണം എന്നിവയിൽ കർമ്മ പ്രവർത്തകർ കർമ്മനിരതരായി രംഗത്തെത്തി. ശുചിത്വ വിദ്യാലയം പദ്ധതിയുടെ ഭാഗമായി പാഴ്വസ്തു ശേഖരണ കുട്ടകൾ വിതരണം ചെയ്തു. പരിസ്ഥിതി സംരക്ഷണ കാമ്പയിൻ സ്കൂൾ മുറ്റത്ത് കർമ്മ തണൽ മരങ്ങൾ നട്ട് പൊന്നാനി നഗരസഭാ ചെയർമാൻ സി പി മുഹമ്മദ് കുഞ്ഞി നിർവ്വഹിച്ചു. കൗൺസിലർ റീനാ പ്രകാശ് അധ്യക്ഷത വഹിച്ചു. പി ടി എ പ്രസിഡന്റ് പി വി ഇബ്രാഹിം, പ്രധാനാധ്യാപിക എം വി റെയ്സി, കൃഷി ഓഫീസർ വിജയലക്ഷ്മി, കെ വി ഇസ്മായിൽ ബഷീർ, ചൈത്ര ഉണ്ണി, വി എസ് സുധർമ്മൻ, ദിപു ജോൺ, റഫീഖ്, റാഷിദ എന്നിവർ സംസാരിച്ചു.