AMLPS പള്ളപ്രം

ചിത്രം * * വിദ്യാർത്ഥികൾ വായനപെട്ടികൾ ഏറ്റുവാങ്ങിയ ശേഷം. വായനാ പെട്ടികൾ സമ്മാനിച്ച് വായനാ വാരത്തിന് സമാപനം പൊന്നാനി: വയനാവാരത്തോടനുബന്ധിച്ച് പള്ള പ്രം എ എം എൽ പി സ്കൂളിൽ ക്ലാസ് തല വായനാ പെട്ടികൾ വിതരണം ചെയ്തു. ബാല പ്രസിദ്ധീകരണങ്ങളും മറ്റു വായനാ സാമഗ്രികളും അടങ്ങിയ വായനാ പെട്ടികൾ വയനാ മൂലകളിൽ സ്ഥാപിച്ചു. വായനാ വാരത്തിന്റെ സമാപനത്തോടനുബന്ധിച്ച് നടന്ന പരിപാടിയിൽ വിവിധ മത്സരങ്ങളിൽ ജേതാക്കളായ ഫാത്തിമത് സന, ഷഫാന, അനുശ്രീ, അദീബ് റഷ്ദാൻ, അഫീഫ, ഹാജറ, ഫാത്തിമത് നുനു, അബ്ദുൽ വാഹിദ്,  ശാക്കിറ എന്നീ വിദ്യാർത്ഥികൾക്ക്  സമ്മാനം നൽകി. എം.വി റെയ്സി, ഘോഷവതി ടീച്ചർ, ലൂസി, ജൂലിഷ്, ദി പു, റിയാസ്, നിത, റഫീഖ് പ്രസംഗിച്ചു.

വായനാ വാരത്തിൽ നടത്തിയ വിവിധ മത്സരങ്ങളിലെ വിജയികൾ:-

പള്ളപ്രം എ.എം.എൽ.പി സ്കൂളിലെ ബാലസഭയിൽ നിന്ന് ...

അമ്മമാർക്കുള്ള ലൈബ്രറി ഉദ്ഘാടനം ചെയ്തു. പൊന്നാനി: വായനാവാരാചരണത്തോടനുബന്ധിച്ച് പള്ളപ്രം എ.എം.എൽ.പി സ്കൂളിൽ അമ്മമാർക്കുള്ള ലൈബ്രറി ഉദ്ഘാടനം ചെയ്തു. എം. ടി.എ പ്രസിഡന്റ് വി. റാഷിദ ആദ്യ പുസ്തകം ഏറ്റുവാങ്ങി. പി.ടി.എ പ്രസിഡന്റ് പി വി ഇബ്രാഹിം  അധ്യക്ഷത വഹിച്ചു. കെ. പ്രമീള, ദിപു ജോൺ, സി.കെ റഫീഖ്, പി. മുഹമ്മദ് റിയാസ് പ്രസംഗിച്ചു.

വായനാ വാരാചരണത്തിന്റെ ഭാഗമായി പള്ളപ്രം എഎംഎൽപി സ്കൂളിൽ അമ്മ ലൈബ്രറി തുടങ്ങി. എം.ടി.എ പ്രസിഡന്റ് റാഷിദ അദ്യ പുസ്തകം ഏറ്റുവാങ്ങി. പി.ടി.എ. പ്രസിഡൻറ് പി.വി. ഇബ്റാഹിം അധ്യക്ഷത വഹിച്ചു. എച്ച്.എം കെ. പ്രമീള, റെയ്സി എം.വി, ദിപു ജോൺ, റഫീഖ്, റിയാസ് എന്നിവർ സംസാരിച്ചു.

'ഒരു ദിനം ഒരറിവ് ' പ്രകാശനം ചെയ്തു പൊന്നാനി: വായനാവാരാചരണത്തോടനുബന്ധിച്ച് പള്ളപ്രം എ.എം.എൽ.പി സ്കൂളിൽ വിദ്യാരംഗം കലാ സാഹിത്യ വേദി പുറത്തിറക്കിയ 'ഒരു ദിനം ഒരറിവ് ' ലഘു ഗ്രന്ഥം പി.ടി.എ പ്രസിഡന്റ് പി വി ഇബ്രാഹിമിന് നൽകി കവി ഇബ്രാഹിം പൊന്നാനി പ്രകാശനം ചെയ്തു. പൊതുവിജ്ഞാനം വർദ്ധിപ്പിക്കാനായി കഴിഞ്ഞ അധ്യയന വർഷം അസംബ്ലിയിൽ ചോദിച്ച ചോദ്യങ്ങൾ ഉൾപ്പെടുത്തിയാണ് പുസ്തകം തയ്യാറാക്കിയത്. എം വി റെയ്സി അധ്യക്ഷത വഹിച്ചു. വായനയുടെ പ്രാധാന്യത്തക്കുറിച്ച് ഇബ്രാഹിം പൊന്നാനി കുട്ടികളുമായി സംവദിച്ചു. പി കെ ഘോഷവതി ഉപഹാരം നൽകി. സി.കെ.ലൂസി,  ദിപു ജോൺ, പി. മുഹമ്മദ് റിയാസ്, നിത ജോയ് പ്രസംഗിച്ചു. റഫീഖ്‌ സ്വാഗതവും ജൂലിഷ് ടീച്ചർ നന്ദിയും പറഞ്ഞു.

ദി മിറർ, ചന്ദ്രിക എന്നീ പത്രങ്ങളിലെ വാർത്തകൾ .

വായനാ ദിന ക്വിസ് മത്സരം. പൊന്നാനി: യു.ആർ.സി യുടെ ആഭിമുഖ്യത്തിൽ യു.പി സ്കൂൾ വിദ്യാർത്ഥികൾക്കായി സംഘടിപ്പിക്കുന്ന വായനാദിന ക്വിസ് മത്സരം 25/ 6/16 ശനിയാഴ്ച കാലത്ത് 10.30 ന് യു.ആർ സി ഹാളിൽ സംഘടിപ്പിക്കുന്നു. ഒരു വിദ്യാലയത്തിൽ നിന്ന് പരമാവധി രണ്ട് കുട്ടികൾക്ക് പങ്കെടുക്കാം.

വിദ്യാരംഗം, ബാലസഭ ഉദ്ഘാടനം ചെയ്തു ഫോട്ടോ - പൊന്നാനി പള്ളപ്രം എ എം എൽ പി സ്കൂളിലെ വിദ്യാരംഗം കലാ സാഹിത്യ വേദി, ബാലസഭ ഉദ്ഘാടനം കവി ഇബ്രാഹിം പൊന്നാനി നിർവ്വഹിക്കുന്നു. പൊന്നാനി: പള്ളപ്രം എ എം എൽ പി സ്കൂളിലെ വിദ്യാരംഗം കലാ സാഹിത്യ വേദി, ബാലസഭ എന്നിവയുടെ ഉദ്ഘാടനം കവി ഇബ്രാഹിം പൊന്നാനി നിർവ്വഹിച്ചു. നല്ല വായനയാണ് നല്ല വ്യക്തിത്വം രൂപപ്പെടുത്തുന്നത്. നമ്മുടെ അനുഭവങ്ങളെ വ്യത്യസ്ത രീതിയിൽ കാണുമ്പോഴാണ് നല്ല സാഹിത്യരചനകൾ പിറക്കുന്നതെന്നും അദ്ദേഹം പറഞ്ഞു.  വായനാവാരാചരണത്തോടനുബന്ധിച്ച് നടന്ന ചടങ്ങിൽ എം വി റെയ്സി ടീച്ചർ അധ്യക്ഷത വഹിച്ചു. വിദ്യാരംഗം കലാ സാഹിത്യ വേദി പുറത്തിറക്കിയ 'ഒരു ദിനം ഒരറിവ് ' ലഘു ഗ്രന്ഥം പി.ടി.എ പ്രസിഡന്റ് പി വി ഇബ്രാഹിമിന് നൽകി ഇബ്രാഹിം പൊന്നാനി പ്രകാശനം ചെയ്തു. പി കെ ഘോഷവതി ടീച്ചർ ഉപഹാരം നൽകി. ബാലസഭാ കൺവീനർ ദിപു ജോൺ, വിദ്യാരംഗം കൺവീനർ റഫീഖ്, ജൂലിഷ് എബ്രഹാം പ്രസംഗിച്ചു. ബാലസഭാ ഭാരവാഹികൾ: അനസ് ടി.കെ (പ്രസിഡന്റ്), ഷഫാന. എ (സെക്രട്ടറി) വിദ്യാരംഗം സെക്രട്ടറി _ അഫീഫ ആർ വി, റഷാന സി.കെ (ജോ. സെക്രട്ടറി). വിദ്യാർത്ഥികളുടെ കലാപരിപാടികളും അരങ്ങേറി.

പള്ളപ്രം എ എം എൽപി സ്കൂളിൽ വായനാ വാരാചണം 20ന് തിങ്കളാഴ്ച തുടങ്ങും . വിവിധ പരിപാടികൾക്ക് രൂപം നൽകിയിട്ടുണ്ട്. വിദ്യാരംഗം കലാ സാഹിത്യ വേദി ഉദ്ഘാടനവും ഇതോടൊപ്പം നടക്കും.

വൃക്ഷത്തൈ വിതരണം > ചിത്രം പൊന്നാനി പളളപ്രം എ.എം.എൽ.പി സ്കൂളിലെ വ്യക്ഷത്തൈ വിതരണോദ്ഘാടനം സി.കെ. ലൂസി നിർവ്വഹിക്കുന്നു. > പൊന്നാനി: പരിസ്ഥിതി വാരാചരണത്തിന്റെ ഭാഗമായി  പൊന്നാനി പളളപ്രം എ.എം.എൽ.പി സ്കൂളിലെ വിദ്യാർത്ഥികൾക്ക് വ്യക്ഷത്തൈകൾ നൽകി. വിതരണോദ്ഘാടനം സ്കൂൾ സ്റ്റാഫ് സെക്രട്ടറി സി.കെ. ലൂസി നിർവ്വഹിച്ചു. എം വി റെയ്സി, പി.കെ. ഘോഷവതി, ജൂലിഷ് ടീച്ചർ, ദിപു ജോൺ, നിത ജോയ്, റിയാസ്, റഫീക്ക് പ്രസംഗിച്ചു.

പരിസ്ഥിതി വാരാചരണത്തിന്റെ ഭാഗമായി വൃക്ഷത്തൈ വിതരണം ലൂസി ടീച്ചർ നിർവഹിക്കുന്നു .

പരിസ്ഥിതി വാരാചരണത്തോടനുബന്ധിച്ച് പൊന്നാനി  പള്ളപ്രം എ എം എൽപി സ്കൂളിൽ പൂന്തോട്ടം നവീകരിച്ചപ്പോൾ...

പള്ളപ്രം എ എം എൽ പി സ്കൂളിൽ പരിസ്ഥിതി ദിനാചരണത്തോടനുബന്ധിച്ച് വിതരണം ചെയ്ത വൃക്ഷത്തൈകൾ ഏറ്റുവാങ്ങിയ വിദ്യാർഥികൾ.

പരിസ്ഥിതി വാരാചരണം പൊന്നാനി: പള്ളപ്രം എ.എം എൽ പി സ്കൂളിൽ പരിസ്ഥിതി വാരാചരണത്തിൻറെ ഭാഗമായി വിദ്യാർഥികൾക്ക് വൃക്ഷതൈകൾ വിതരണം ചെയ്തു.  സ്കൂൾ അസംബ്ളിയിൽ പരിസ്ഥിതി സംരക്ഷണ പ്രതിജ്ഞയെടുത്തു. സ്കൂൾ മുറ്റത്തെ പൂന്തോട്ടം നവീകരിച്ചു.

പ്രീ പ്രൈമറി പ്രവേശനോത്സവം പൊന്നാനി: പള്ളപ്രം എം എൽപി സ്കൂളിൽ പ്രീ പ്രൈമറി വിഭാഗത്തിൽ ചേർന്ന വിദ്യാർഥികൾക്ക് സ്കൂളിൽ വരവേൽപ്പ് നൽകി.  പ്രവേശനോത്സവം പ്രധാനാധ്യാപിക കെ പ്രമീള ഉദ്ഘാടനം ചെയ്തു. എം വി റെയ്സി അധ്യക്ഷത വഹിച്ചു.  മധുര പലഹാര വിതരണവും നടത്തി. ദിപുജോൺ, റഫീഖ്, റിയാസ്,  സുജിത, അനിത പ്രസംഗിച്ചു.

പള്ളപ്രം എ.എം.എൽ.പി സ്കൂളിലെ  പ്രീ പ്രൈമറി പ്രവേശനോത്സവം തിങ്കളാഴ്ച രാവിലെ 10.3ന് നടക്കും.

പൊന്നാനി പള്ളപ്രം സ്കൂളിലെ പ്രവേശനോത്സവം പത്രത്താളുകളിൽ ...

പൊന്നാനി നഗരസഭയുടെ കുഞ്ഞു ബാഗും ചങ്ങാതിക്കുടയും വിതരണം പള്ളപ്രം സ്കൂളിൽ സ്റ്റാൻറിങ് കമ്മിറ്റി ചെയർപേഴ്സൺ റീന പ്രകാശൻ നിർവ്വഹിക്കുന്നു. പൊന്നാനി: ഈ വർഷം ഒന്നാം ക്ലാസ്സിൽ ചേർന്നവർക്ക് വേണ്ടി പൊന്നാനി നഗരസഭ നടപ്പാക്കുന്ന കുഞ്ഞുബാഗും ചങ്ങാതിക്കുടയും വിതരണോദ്ഘാടനം പള്ളപ്രം എ എം എൽപി സ്കൂളിൽ നഗരസഭാ പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സൺ റീന പ്രകാശൻ ഉദ്ഘാടനം ചെയ്തു. പി ടി എ വൈസ് പ്രസിഡണ്ട് കെ വി അബ്ദുൽ സലാം അധ്യക്ഷത വഹിച്ചു. പുതുതായി ചേർന്ന വിദ്യാർഥികൾക്ക് ബാഗ്, കുട, സ്ലേറ്റ്, പെൻസിൽ, കളിപ്പാട ്ടം എന്നിവയാണ് സമ്മാനം. പൊന്നാനി സൗത്ത് സർവ്വീസ് സഹകരണ ബാങ്കിന്റെ സഹകരണത്തോടെയാണ് പദ്ധതി നടപ്പാക്കുന്നത്. ചടങ്ങിൽ പ്രധാനാധ്യാപിക കെ പ്രമീള ടീച്ചർ, എം ടി എ പ്രസിഡണ്ട് വി റാഷിദ, സി കെ റഫീഖ്, ദിപു ജോൺ എന്നിവർ  പ്രസംഗിച്ചു.  പദ്ധതിയുടെ മുനിസിപ്പൽ തല ഉദ്ഘാടനം നഗരസഭാ വിദ്യാഭ്യാസ സ്റ്റാൻഡിംഗ് കമ്മിറ്റി അധ്യക്ഷനും ഈ ജനപ്രിയ പദ്ധതിയുടെ ശിൽപിയുമായ ടി മുഹമ്മദ് ബഷീർ നിർവഹിച്ചിരുന്നു.

പൊന്നാനി പള്ളപ്രം എ എം എൽ പി സ്കൂളിൽ പ്രവേശനോത്സവം വിപുലമായ പരിപാടികളോടെ സംഘടിപ്പിച്ചു. നവാഗതരെ സ്വീകരിച്ചു കൊണ്ടു നടത്തിയ റാലി ശ്രദ്ധേയമായി. മുതിർന്ന കുട്ടികൾ കുഞ്ഞനിയന്മാരേയും അനിയത്തിമാരേയും വരവേറ്റു. രക്ഷിതാക്കളും പങ്കെടുത്തു.  എല്ലാ കുട്ടികൾക്കും വർണ്ണ ബലൂണുകളും കോൽ മിഠായികളും നൽകി. പ്രവേശനോത്സവ പരിപാടി നഗരസഭാ കൗൺസിലർ റീന പ്രകാശൻ ഉദ്ഘാടനം ചെയ്തു. പി ടി എ വൈസ് പ്രസിഡണ്ട് കെ വി അബ്ദുൽ സലാം അധ്യക്ഷത വഹിച്ചു. ഒന്നാം ക്ലാസ്സിൽ ചേർന്നവർക്ക് നഗരസഭ നൽകുന്ന ബാഗും കുടയും സ്ലേറ്റും പെൻസിലും അടങ്ങുന്ന സമ്മാനപ്പൊതിയുടെ വിതരണോദ്ഘാടനം കൗൺസിലർ റീന നിർവഹിച്ചു. പാഠപുസ്തക വിതരണം പ്രധാനാധ്യാപിക കെ പ്രമീള ടീച്ചറും എം ടി എ പ്രസിഡണ്ട് വി റാഷിദയും ചേർന്ന് നിർവഹിച്ചു. റഫീഖ് മാസ്റ്റർ സ്വാഗതവും ദിപു മാസ്റ്റർ നന്ദിയും പറഞ്ഞു. ഒന്നാം ക്ലാസ്സിൽ 62 പ്രീ പ്രൈമറിയിൽ 72 - ഉം കുട്ടികളാണ് ചേർന്നത്. ഒന്നാം ക്ലാസ്സിൽ ചേർന്നവർക്ക് യൂണിഫോം വിതരണം ചെയ്തിരുന്നു.